Nobel Oil Services Britaniya şirkətinin Azərbaycandakı hazırlama biznesinin 50%-ni alır
Nobel Oil Services (UK) Ltd Denholm Oilfield Services Limited-in Azərbaycandakı hazırlama biznesinin 50%-ni əldə edib. Denholm SDL Denholm Limited və Denholm Oilfield Services (Azerbaijan) Limited şirkətlərindəki paylarının 50%-ni digər Britaniya şirkəti olan Nobel Oil Services Limited-ə açıqlanmayan məbləğə satdığını təsdiqləyib.
Nobel Oil Services Azərbaycanda və regionda qazma, mühəndislik və layihə idarəetməsi, texniki xidmət, satınalma və neft hasilatının artırılması xidmətlərinin aparıcı təminatçısıdır. Şirkətin ticarət qrupu xam neft, təbii qaz və emal məhsullarının satışı və ticarəti sahəsində beynəlxalq miqyasda fəaliyyət göstərir. Nobel Oil Services-in baş icraçı direktoru Michael Wring bu satınalmanı şirkətin inkişaf strategiyasının mükəmməl təcəssümü kimi vurğulayıb. O deyib: “Denholm-un Azərbaycandakı biznesinin yarısını almağımız neft-qaz və yanaşı sektorlarda tanınmış birinci dərəcəli xidmət təminatçıları ilə birgə müəssisələr vasitəsilə Azərbaycanda üstün imkanlar və dəyər yaratmağı hədəfləyir.
“Nəticədə biz regionda iri beynəlxalq və yerli müştərilərə xidmət edən, beynəlxalq keyfiyyətə malik Azərbaycan şirkətləri quracaq və inkişaf etdirəcəyik. Denholm ilə tərəfdaşlıqda daha çox dəyər yaratmağı səbirsizliklə gözləyirik.”
Denholm Oilfield Services Limited Böyük Britaniya, Azərbaycan, Qazaxıstan və Birləşmiş Ərəb Əmirlikləri daxil olmaqla əsas qlobal məkanlarda neft-qaz sənayesinə xidmət göstərir və ixtisaslaşmış elektrik və ölçü-nəzarət, klapan idarəetməsi, yük daşımaçılığı və işə qəbul əməliyyatları təklif edir. Satışla bağlı şərh verən Denholm Oilfield Services Limited-in sədri John Denholm deyib: “Nobel Oil Services əla tərəfdaşdır və hər iki tərəf biznesi inkişaf etdirmək və Denholm-un Azərbaycanda birinci dərəcəli hazırlama şirkəti kimi nüfuzunu möhkəmləndirmək niyyətindədir. Nobel müxtəlif yuxarı axın fəaliyyətlərində maraqlıdır və bu sazişin nəticəsində əhəmiyyətli çarpaz satış imkanları görürük.”
Denholm Oilfield Services Limited-in baş icraçı direktoru Michael Beveridge əlavə edib: “Nobel etik və əməliyyat təcrübəsi baxımından bizim əsas dəyərlərimizi bölüşür və biz Denholm-un hazırlama təcrübəsi ilə Nobel-in daha geniş xidmət spektri və Azərbaycandakı mövcud əlaqələrinin birləşməsi sayəsində bu sazişin açdığı imkanlardan həyəcan duyuruq.”